خەڵکی ئێران و ڕۆژهەڵاتی کوردستان جارێکی دیکە دەنگ دەدەن

ئاڤانیوز

 ڕۆژی هەینی لە خولی دووەمی هەڵبژاردنەکانی سەرۆکایەتی کۆماری ئیسلامیی ئێران ڕیفۆرمخوازێک ڕووبەڕووی پارێزگارێک دەبێتەوە.

 

وێنە گەورەکە: خەڵکی ئێران و ڕۆژهەڵاتی کوردستان ڕۆژی هەینی لە خولی دووەمی هەڵبژاردنی سەرۆکایەتیی کۆمار جارێکی دیکە دەنگ دەدەنەوە. مەسعوود پزیشکیان بەربژێری ڕیفۆرمخوازەکان کە پشتیوانی لە کرانەوە بەڕووی ڕۆژئاوا دەکات لەگەڵ سەعید جەلیلی، پارێزکار ڕووبەڕووی یەکتری دەبنەوە.

 

ئەوەی پێویستە بیزانیت: ئەم هەڵبژاردنانە کە یەکەمیان لە 28ی حوزەیران بەڕێوەچوو، بەپەلە ڕێکخراوە بۆ دیاریکردنی جێگیرەوەی ئیبراهیم ڕەئیسی کە لە 19ی ئایاردا بەهۆی کەوتنە خوارەوەی هێلیکۆپتەرەوە گیانی لەدەست دا.

 

باکگراوند: لە خولی یەکەمی هەڵبژاردنەکاندا کە تەنیا 39.9%ی دەنگدەران بەشداربوون، پزیشکیان ڕێژەی 42.4%ی دەنگەکانی بەدەستهێناوە و جەلیلی 38.6%ی دەنگەکانی بەدەستهێنا، بەهۆی  ئەوەی هیچیان نەیانتوانی لە سەدا 50+1ی دەنگەکان بەدەستبێنن هەڵبژاردن کەوتە خولی دووەم.