هادی عامری: سەردانەکەی سەرۆک بارزانی بۆ بەغدا گرنگ بوو

ئاڤا نیوز

 

هادی عامری، سەرۆکی هاوپەیمانیی فەتح سه‌ردانه‌كه‌ی سەرۆک بارزانی بۆ به‌غدا به‌ گرنگ و سه‌ركه‌وتوو ناو دەبات.

 

وێنە گەورەکە: سەرۆک بارزانی بۆ یەکلاییکردنەوەی ژمارەیەک پرسی سیاسی و کێشە هەڵپەسێردراوەکان بە سەردانێکی دوو ڕۆژە لە بەغدایە؛  بەرپرسانی باڵای عێراق لە حیزب و حکومەت، هەروەها ژمارەیەکی زۆر لە باڵیۆزی وڵاتانی بینیوە و چەندین دۆسیەی گرنگیان تاوتوێ کردووە.

 

لێدوانی فەرمی: هادی عامری لەبارەی سه‌ردانه‌كه‌ی سەرۆک بارزانی بۆ به‌غدا ڕایگەیاند: برای به‌رێزم مەسعود بارزانی سەركەوتوو بوو له‌ سه‌ردانه‌كه‌یدا و توانی زۆرێک لە ناکۆکی و کێشە هەڵپەسێردراوەکان له‌گه‌ل حكومه‌تی عێراق چارەسەر بکات.

 

زانیاریی زیاتر: عامری ئاماژه‌ی به‌ گرنگی كوبونه‌وه‌ی سه‌رۆک بارزانی له‌گه‌ڵ سه‌ركرده‌كانی چوارچێوەی هەماهەنگیدا كرد و گوتی، چاوپێكەوتنێكی برایانە و دۆستانە بوو، به‌رێزیان بەڕاستگۆیی و ڕاشكاوانە قسەی كرد، پێموایە ئەم چاوپێكەوتنانە زۆر گرنگە، لەبەر ئەوەی عێراق بەرەو سەقامگیری ئاسایشی و سیاسی دەبات.