بۆچی ڕەنگی سندووقەکانی دەنگدانی ئەم خولەی هەڵبژاردنی ئێران سوورە؟

ئاڤا نیوز

 

خولی یەکەمی سەرۆکایەتیی ئێران ڕۆژی 28-6-2024 بەڕێوەچوو و بۆ وەرگرتنی دەنگەکان سوود لەو سندووقانە وەرگیرا کە ڕەنگی سەرەکانیان شینە، بەڵام بۆ ئەم خولە ڕەنگەکە دەگۆڕێت بۆ سوور.

 

هۆکارە زانراوەکان: بە شێوەیەکی نەریتی و ئاسایی هەڵبژاردنەکانی سەرۆکایەتی و پەرلەمانی ئێران پێکەوە لە یەک کاتدا بەڕێوە دەچن و بۆ هەر یەکێکیان ڕەنگێک بەکار دەبەن. بەڵام ئەم هەڵبژاردنەی سەرۆکایەتی پێشوەختەیە و ئاسایی نییە. بۆیە لە خولی یەکەمدا ڕەنگی شین و لە خولی دووەمیشدا ڕەنگی سوور بەکار دەبرێت. موحسین ئیسلامی، گوتەبێژی کۆمیسیۆنی هەڵبژاردنەکانی ئێران ئەو زانیارییانەی داوە.

 

زانیاریی زیاتر: ڕۆژی هەینی، 5-7-2024، کێبڕکێی خولی دووەمی هەڵبژاردنەکان لە نێوان مەسعود پزشکیان و سەعید جەلیلیدا بەڕێوە دەچێت و یەکێک لەو دووانە دەبێتە سەرۆککۆماری داهاتووی ئێران.