هەڵبژاردنی سەرۆکایەتیی ئێران دوو کاتژمێر درێژ کرایەوە

ئاڤا نیوز

كۆمیسیۆنی باڵای سەربەخۆی هەڵبژاردنەكانی ئێران، دوو كاتژمێر كاتی هەڵبژاردنی سەرۆكایەتی ئێرانی درێژكردەوە.

وێنە گەورەكە: بەیانی ڕۆژی هەینی كاتژمێر هەشت بە كاتی تاران و كاتژمێر7:30 بەكاتی هەرێمی كوردستان دەرگای بنكەكانی دەنگدان بەڕووی 61 ملیۆن دەنگدەری ئێرانیدا كرایەوە بۆ ئەوەی سەرۆكێكی نوێ هەڵبژێرن.

لێدوانی فەرمی: موحسین ئیسلامی، گوتەبێژی كۆمسیۆنی باڵای سەربەخۆی هەڵبژاردنەكانی ئێران ڕایگەیاند:"بۆ زیاتر بەشداریكردنی هاووڵاتیان لە هەڵبژاردنەكاندا بڕیارماندا دوو كاتژمێر هەڵبژاردنەكانی ئێران درێژ بكەینەوە".

 

لە لایەكی دیكەوە: ماوەی دەنگدان لە هەرێمی کوردستانیش دوو کاتژمێر درێژکرایەوە و تاوەکو کاتژمێر هەشت بەردەوام دەبێت.

ئەوەی پێویستە بیزانیت: لە گەڕی یەكەمی هەڵبژاردنەكاندا سێ جار كاتی هەڵبژاردن درێژكرایەوەو كاتژمێر 12ی شەو بەكاتی هەولێر بنكەكانی دەنگدان داخران.