یەكەمین ئەنجامی هەڵبژاردنی ئێران ڕاگەیێنرا

ئاڤا نیوز 

 

كۆمسیۆنی باڵای سەربەخۆی هەڵبژاردنەكانی ئێران، یەكەمین ئەنجامی بەرایی هەڵبژاردنی سەرۆكکۆماری ئێرانی ڕاگەیاند و بەپێی ئەنجامەكان پزیشکیان لە پێشە.

 

ژمارەکان وا دەڵێن: یەکەم ئەنجامی بەرایی هەڵبژاردنەکانی ئێران کە لەلایەن گوتەبێژی کۆمیسیۆنی ئەو وڵاتەوە ڕاگەیێنرا بەمشێوەیە:

 

 

ئەنجامی سەرەتایی هەڵبژاردنی سەرۆکایەتیی کۆماری ئێران

 

ژمارەی دەنگە جیاکراوەکان: دوو ملیۆن 547 هەزار 381

 

مەسعود پزیشكیان: یەك ملیۆن 263 هەزار 674 دەنگ

 

سەعید جەلیلی: یەک ملیۆن و 244 هەزار 640 دەنگ

 

زانیاریی زیاتر: بەپێی هەواڵی ئاژانسی تەسنیمی ئێرانی، ڕێژەی بەشداریکردن لە دەنگدان 52% بووە.

 

ئەوەی پێویستە بیزانیت:  لە گەڕی یەكەمی هەڵبژاردن، 39.9%ـی خەڵک بەشدارییان لە هەڵبژاردن کردبوو، بەڵام لە گەڕی دووەمی هەڵبژاردن ڕێژەکە بەرز بووەتەوە بۆ زیاتر لە 50%.