بانکێکی عێراقی بە گوژمەی 50 ملیۆن دۆلار نەخۆشخانەیەک لە کوردستان دروست دەکات

ئاڤا نیوز 

بانکی ئەهلی عێراقی ڕێککەوتنێکی سەرەتایی واژۆ کردووە، بۆ پارەدارکردنی پرۆژەی دروستکردنی نەخۆشخانەیەکی مۆدێرن لە هەرێمی کوردستان بە بەهای 50 ملیۆن دۆلار.

وێنە گەورەكە: بانکی ئەهەلی عێراقی یەکێکە لەو بانکانەی کە لە چوارچێوەی پڕۆژەی "هەژماری من" حکومەتی هەرێمی کوردستان بەشدارە.

ڕاگەیێنراوی فەرمی: ئەیمەن ئەبو دەهیم، بەڕێوەبەری جێبەجێکاری بانکی ئەهەلی عێراق ڕایگەیاند: شانازی دەکەین بە دابینکردنی دارایی بۆ دروستکردنی نەخۆشخانەیەکی نوێ و پێشکەوتوو لە هەرێمی کوردستان.

زانیاریی زیاتر: ئەم پڕۆژەیە مۆدێلێکی هاوبەشییە لە نێوان کەرتی گشتی و کەرتی تایبەت بۆ بەشداریکردن لە بەدیهێنانی پەرەپێدانی بەردەوام، هاوکات دەبێتە هۆی دروستکردنی هەلی کار و برەودان بە گەشەی ئابووری. ئەبو دەهیم وا دەڵێت.

بۆچی گرنگە: پارەدارکردنی ئەم پرۆژانە لەلایەن ئەو بانکە عێراقییەوە، پشتیوانیکردنی ئاراستەی حکومەتی هەرێمی کوردستانه بۆ باشترکردنی کوالێتی و جۆریەتی چاودێری تەندروستیی.