سەرۆکوەزیران بارزانی بۆ مووچەخۆران: بەغدا هۆکاری دواکەوتنی مووچەیە

ئاڤا نیوز

 

لە گفتوگۆیەکدا لەگەڵ بەشێک لە هاونیشتمانیان لە پارێزگای سلێمانی سەرۆکوەزیران بارزانی دەڵێت، ئەگەر مووچە لای ئێمە بێت چۆن نایدەین، بە پێچەوانەوە مووچە لە بەغداوە بڕاوە.

 

وێنە گەورەکە: لە ماوەی کابینەی نۆیەمی حکومەتی هەرێمی کوردستان، سەرۆکوەزیران بارزانی چەندینجار لەگەڵ هاونیشتمانیانی ناوچە جیاوازەکانی هەرێمی کوردستان دانیشتووە و گوێی لە کێشە و گرفتەکانیان گرتووە.

 

لێدوانی فەرمی: سەرۆکوەزیران بارزانی ڕایگەیاند: "ئەگەر مووچە بەدەستی منەوە بێت بە دڵنیاوە خەرج دەکەم، بەڵام هەندێک لە لایەنە سیاسییەکان و ڕکابەرە سیاسییەکان ئەو جۆرە قسانە دەکەن کە ئێمە نایدەین، ئەگەر لای ئێمە بێت ئێمە چۆن نایدەین بە پێچەوانەوە مووچە لە بەغداوە بڕاوە".

 

ئەوەی پێوستە بیزانیت: سەرۆکوەزیران بارزانی گوتیشی:" ئەوانەی کە ئێستا بانگەشەی ئەوە دەکەن کە ئێمە مووچە نادەین، هەر ئەو کەسانە بوون کە داکۆکیان لەوە دەکرد بەغدا مووچە هەرێمی کوردستان بدات و ئیستاش بێدەنگن، ئەوەی ئێستا لەسەر هاووڵاتیان بە جوابە و لەگەڵ بەغدا لەسەر هێڵە هەر منم، کێشەی مووچەش تەواو دەبێت".