پەرلەمانتارێک بۆ ئاڤا: بەهۆی قەرز عێراق ڕووبەڕووی داهاتووێکی نادیار دەبێتەوە

ئاڤا نیوز

پەرلەمانتارێکی عێراق، هۆشدارییەکی تووند لەبارەی زیادبوونی قەرزی گشتیی و کاریگەری لەسەر داهاتووی دارایی و ئابووری عێراق دەدات و دەڵێت "ئەگەر بەردەوام پڕۆژەکان بە قەرز تەواو بکرێن، حکومەتی داهاتوو ڕووبەڕووی قەیرانێکی دارایی سەخت دەبێتەوە".

 

هۆشدارییەکی 

لێدوانی فەرمی: هەیسەم فەهد، پەرلەمانتاری عێراق، بەئاڤا میدیای ڕاگەیاند: ئەگەر حکومەت بۆ تەواوکردنی پڕۆژە ڕاگیراوەکان یان دەستپێکردنی پڕۆژەی نوێ بەبێ پلانێکی ئابووری ڕوون دەست بۆ قەرزی دەرەکی بەرێت، ئەوە مەترسییەکی ستراتیژییە بۆ سەر ئابووری نیشتمانی دروست دەکات. 

مه‌ترسی پێشبینكراو: ئەو پەرلەمانتارە ئاماژەی بەوەشدا، دابینکردنی بودجە بەشێوازی قەرز بۆ جێبەجێکردنی پڕۆژەی نوێی، بارگرانییەکی دارایی گەورە دەخاتە سەرشانی حکومەتی داهاتوو و توانای جێبەجێکردنی پڕۆژەی خزمەتگوزاری و گەشەپێدان سنوردار دەکات .

كاریگه‌ریی و لێكه‌وته‌كان: فەهد، هۆشداری کەڵەکەبوونی قەرز و زیادبوونی سووی سەر ئەو قەرزانە وادەکات حکومەتی داهاتوو ڕووبەڕووی کێشەی دابینکردنی مووچەی فەرمانبەران و خەرجکردنی وەبەرهێنان و خزمەتگوزارییەکان ببێتەوە.