عێراق هاوردەکردنی هەموو جۆرەکانی پەلەوەر قەدەغە دەکات

ئاڤا نیوز

دوای تۆمارکردنی چەند حاڵەتێکی تووشبوون بە ئەنفلۆنزای باڵندە لە ئێران، وەزارەتی کشتوکاڵی عێراق قەدەغەی هاوردەکردنی هەموو جۆرەکانی پەلەوەر و باڵندەی لەئێرانەوە ڕاگەیاند.

وێنە گەورەکە: دوای ئەوەی ئێران تۆمارکردنی چەند حاڵەتێکی تووشبوونی بە ئەنفلۆنزای باڵندە ئاشکرا کرد، وەزارەتی کشتوکاڵی عێراق لە ڕێگەی فەرمانگەی ڤێتێرنەرییەوە، قەدەغەی هاوردەکردنی هەموو جۆرەکانی پەلەوەر و باڵندە (زیندوو و بەستوو)، هێلکە، باڵندەی کێوی و باڵندەی جوانکاری و هەر بەرهەمێکی دیکەی پەلەوەری لە ئێرانەوە ڕاگەیاند.

لێدوانی فەرمی:  تامر خەفاجی، بەڕێوەبەری گشتیی فەرمانگەی ڤێتێرنەری ڕایگەیاند: سەرجەم نەخۆشخانە ڤێتێرنەرییەکانی پارێزگاکان ڕاسپێردراون کە بەرزترین ئاستی چاودێری و بەدواداچوون لە کێڵگە پەلەوەرییەکان، پەلەوەرداریی ناوماڵ و بازاڕەکانی باڵندە بگرنەبەر. 

زانیاریی زیاتر: خەفاجی داوای لە تیمەکانی ڤێتێرنەریی کرد، لەئەگەری هەر حاڵەتێکی گوماناوی تووشبوون یان مرداربوونەوەی پەلەوەر دەستبەجێ نموونەکە بۆ تاقیگە ناوەندییەکان ڕەوانەبکەن، بەمەبەستی دڵنیابوونەوە لەهۆکارەکەی.