نەتانیاهۆ بۆ سوپای وڵاتەکەی: بڕۆنە ناو ڕەفەحەوە

ئاڤا دیجیتاڵ

 

لەگەڵ ئەوەی  بڕیاربوو ئاگربەست لەنێوان ئیسرائیل و حەماس بکرێت، ئەمڕۆ نەتانیاهۆ فەرمانی بە سوپاكەی كرد بچنە ناو ڕەفەحەوە، بڕیارە لە قاهیرەش گەڕێكی دانوستانی ئاشتی دەستپێبكات.

 

لێدوانی فەرمی: سەرۆکوەزیرانی ئیسرائیل، فەرمانی بە هێزەکانی وڵاتەکەی کرد، خۆیان بۆ چوونە ناو ناوچەی ڕەفەح لە غەزە ئامادە بکەن. 

 

لەلایەکی دیکەوە: ئەنتۆنیۆ گۆتێرێس، سکرتێری گشتیی نەتەوەیەکگرتووەکان هۆشداری دا لە پاڵنانی سەربازی بۆ ناو شارەکە "بەشێوەیەکی بەرچاو زیاد دەکات کە لە ئێستاوە کابوسێکی مرۆییە".

 

ئەوەی پێویستە بیزانیت: بڕیارە ئەمڕۆ پێنجشەممە لە قاهیرە خولێکی نوێی دانوستانەکان بەئامانجی گەیشتن "ئاگربەست" لە غەزە و ئاڵوگۆڕی دیل و بارمتەکان لە قاهیرە بكرێت، قاهیرە داوای لە هەردوو لایەن دەکرد کە "نەرمیی پێویست نیشان بدەن" بۆ ئەنجامدانی گرێبەستێک.