بەرلین، ئەمریکا و سەرکردەکانی ئەوروپا کۆ دەکاتەوە

ئاڤا نیوز

لەدرێژەیی هەوڵەکانی ئەمریکا بۆ ڕاگرتنی شەڕی نێوان ڕووسیا و ئۆکراینا، بڕیارە ستیڤ ویتکۆف، نێردەی ترەمپ لەم هەفتەیەدا لەگەڵ زێلێنسکی، سەرۆکی ئۆکراینا و چەند سەرکردەیەکی ئەوروپی لە بەرلین کۆببێتەوە.

وێنە گەورەکە: ئۆکراینا دەچێتە ناو هەفتەیەکی دیپلۆماسی نوێ، کە دیارترینیان کۆبوونەوەی بەرلینە کە ڕۆژی دووشەممە بەڕێوەدەچێت، زێلێنسکی لەگەڵ نێردەی ترەمپ و سەرکردەکانی هەر یەکە لە ئەڵمانیا و فەرەنسا و بەریتانیا و لایەنە ئەوروپییەکانی دیکە کۆببێتەوە. 

زانیاریی بەدەستهاتوو: کۆشکی سپی ڕایگەیاند: ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا لەم هەفتەیەدا لەگەڵ ڤۆلۆدیمیر زێلێنسکی، سەرۆکی ئۆکراینا و چەند سەرکردەیەکی ئەوروپی لە بەرلین کۆدەبێتەوە

زانیاریی زیاتر: بڕیارە ئیمانوێل ماکرۆن، سەرۆکی فەرەنسا، کەیر ستارمەر، سەرۆکوەزیرانی بەریتانیا و فریدریش مێرز، ڕاوێژکاری ئەڵمانیا بەشداریی دانوستانەکانی ڕۆژانی یەکشەممە و دووشەمەی ئەم هەفتەیە لە بەرلین بکەن.

ئەمەش بزانە: پێشتر ترەمپ ئەوەی ڕوونکردبووەیەوە کە تەنیا ئەو کات ئەمریکا نوێنەری خۆی بۆ ئەو کۆبوونەوەیە دەنێرێت کە واشنتن لەوە تێبگات کە دانوستانەکان بەرهەمدار دەبن.

ئەوەی لەبارەیەوە دەگوترێت: لەم دانوستانانەدا دەگوترێت کیێڤ ڕووبەڕووی چەند گوشارێک دەبێتەوە بە تایبەتی لەسەر پرسەکانی پەیوەست بە خاک ، ئەمریکا داوای سازشی گەورە لە ئۆکراینییەکان دەکات لەسەر ئەم بابەتە.