دوای ڕێککەوتنی لەگەڵ ئەمریکا، بیلاڕووس 123 زیندانی ئازاد دەکات

ئاڤا نیوز

دوابەدوای ئەوەی ئەمریکا ڕەزامەندی دەربڕی لەسەر هەڵگرتنی سزاکانی سەر بیلاڕووس، ئەو وڵاتە 123 زیندانی ئازاد کرد.

وێنە گەورەکە: زیندانییەکان کەسانی بیانیشیان تێدایە و بە تۆمەتی جۆراوجۆری وەک سیخوڕی، تیرۆر و تووندڕەوی دەستگیر کراون.

زانیاریی زیاتر: لەناو زیندانییە ئازادکراوەکاندا  ماریا کۆلێسنیکۆڤا، چالاکوانی ناوداری ئۆپۆزسیۆن و ئالێس بیالیاتسکی، براوەی خەڵاتی نۆبڵی ئاشتی هەن. 

ئەمەش بزانە: بە گوێرەی ڕێککەوتنی نێوانیان، ئەمریکا سزاکانی سەر هەناردەی بیلاڕووس هەڵدەگرێت.

ئەوەی پێویستە بیزانیت: بیلاروس هاوپەیمانی ڕوسیایە و یەکێتیی ئەوروپا دان بە سەرۆکەکەیدا نانێت.