ئەردۆغان: ئەو چەکەی ناتۆ بە هەزار و یەک نازەوە بە تورکیای دەدات پەکەکە هەیەتی

ئاڤا نیوز

 

ئەردۆغان جارێکی دیکە نیگەرانییەکانی خۆی بەرامبەر بە هاوکارییەکانی ناتۆ  بۆ پەکەکە دەردەبڕێت و ئاشکرای دەکات چەکە قورسەکانی ناتۆ لە حەشارگەکانی ئەوان دەدۆزرێتەوە.

 

کاریگەری و لێکەوتەکانی: پشتیوانییە سەربازییەکانی ناتۆ بۆ پەکەکە، هۆکارێکە بۆ بەهێزترکردنیان لە بەرەنگاربوونەوەی هێزەکانی تورکیا.

 

وێنە گەورەکە: ڕەجەب تەیب ئەردۆغان، سەرۆککۆماری تورکیا لە کۆبوونەوەی کابینەی پارتەکەی نیگەرانییەکانی بەرامبەر بە هاوکارییە سەربازییەکانی ناتۆ بۆ پەکەکە و باڵە سەربازیەکەی هەسەدە لە سووریا دەربڕی، ڕەتی کردەوە ناتۆ هەماهەنگ بێت لەگەڵیان لە بەرەنگاربوونەوەی "تیرۆر" و  داوای چارەسەرکردنی ئەم "کێشەیە" دەکات. 

 

لێدوانی فەرمی: ئەردۆغان گوتی: ئەو چەکانەی ناتۆ بە هەزار و یەک نازەوە بە تورکیای دەدەن، لە حەشارگەکانی پەکەکە دەدۆزرێنەوە.

 

زانیاریی بەدەستهاتوو: ناتۆ چەکی قورس بۆ پەکەکە دەنێرێت، جگە لەوەی چەندین بارهەڵگری چەک و تەقەمەنی بە بیانووی بوونی داعش بۆ سووریا دەنێرن.