لە سعوودیە ئەمساڵ زیاتر لە 100 کەس لە سێدارە دراون

ئاڤا نیوز

وەزارەتی ناوخۆی سعوودیە لەسێدارەدانی دوو کەسی بە تاوانی بازرگانیکردن بە ماددەی هۆشبەر ڕاگەیاند، بەمەش ژمارەی ئەو کەسانەی لەمساڵەدا لەو وڵاتە لەسێدارە دراون بۆ لانیکەم 106 کەس بەرز بووەوە.

ڕاگەیێنراوی فەرمی: بە گوێرەی ڕاگەیێنراوی وەزارەتی ناوخۆی سعوودیە، دوو کەسەکە لە مەککە لە سێدارە دراون، یەكێکیان خەڵکی سعوودیە و ئەوی دیەکەشیان خەڵکی پاکستانە. 

زانیاریی زیاتر: دوای نزیکەی سێ ساڵ لە ڕاگرتن، لە کۆتایی 2022ـەوە سعوودیە دەستیکردووەتەوە بە جێبەجێکردنی سزاکانی لەسێدارەدان پەیوەست بە تاوانی بازرگانیکردن بە ماددەی هۆشبەر.

باکگراوند: لە ساڵی 2023 لانیکەم 170 کەس، لەوانە 33 کەسیان بە تۆمەتی تیرۆر، لە سعوودیە لەسێدارە دراون.