عێراق 100 هەلی وەبەرهێنان پێشکەش بە کۆمپانیا نێودەوڵەتییەکان دەکات

ئاڤا نیوز

 

دەستەی وەبەرهێنانی نیشتمانیی عێراق ڕایگەیاند، 100 هەلی وەبەرهێنان لە سەرانسەری عێراق پێشکەش بە کۆمپانیا نێودەوڵەتییەکان دەکرێت.

 

وێنە گەورەکە: بڕیارە لە تشرینی دووەمی ئەمساڵ، یەکەمین کۆڕبەندی جۆریی لە بواری وەبەرهێنان بە ئامادەبوونی ژمارەیەک لە کۆمپانیا نێودەوڵەتییەکان لە عێراق بەڕێوەبچێت.

 

ڕاگەیێنراوی فەرمی: حەیدەر محەممەد مەکیە، سەرۆکی دەستەکە ڕایگەیاند: "دەستەی وەبەرهێنانی نیشتمانی و ئەنجوومەنی ئابووریی عێراق هەموو ئامادەکارییەکانیان تەواو کردووە بۆ ئەنجامدانی کۆڕبەندێکی گەورەی وەبەرهێنان کە تێیدا نزیکەی 100 دەرفەتی وەبەرهێنان لە هەموو پارێزگاکانی عێراقدا پێشکەش دەکرێت".

 

لەلایەکی دیکەوە: محەممەد شوکری، سەرۆکی دەستەی وەبەرهێنانی کوردستان بە ئاڤا نیوزی ڕاگەیاند: ئەو دەرفەتانە پارێزگاکانی هەرێمی کوردستان ناگرێتەوە و ئەوان وەکو هەرێمی کوردستان لە کۆڕبەندەکە بەشدار نابن.