ئێسکەپەیکەری دایناسۆرێک بە 44 ملیۆن دۆلار فرۆشرا

ئاڤا نیوز

 

لە زیادکردنێکی ئاشکرا، ئێسکەپەیکەری ئەپێکسی دایناسۆر کە تەمەنی 150 ملیۆن ساڵە، بە 44.6 ملیۆن دۆلار فرۆشرا. 

 

وێنە گەورەکە: ئێسکەپەیکەرەکە لە کۆمپانیای سوزبێزی نیویۆرک لە زیادکردنێکی ئاشکرادا فرۆشرا و لە لایەن ملیادێری ئەمریکی کین گریڤن  کڕایەوە، بڕیاری داوە بە قەرز بیدات بە دامەزراوەیەکی ئەمریکی بۆ نمایش.

 

گۆشەیەکی دیکەی بابەتەکە: ئەم زیادکردنانە بەراورد بە ساڵانی ڕابردوو زۆرتر بووە ئەمەش بووەتە جێی نیگەرانی لەلای شوێنەوارناسان و دەڵێن، فرۆشتنی ئەم جۆرە ئێسکەپەیکەرانە نمایشکردنیان لە مۆزەخانەکان کەم دەکاتەوە. 

 

ئەمەش بزانە: ئێسکەپەیکەری ئەپێکس بەرزییەکەی 3.3 مەتر دەبێت، لە ساڵی 2022 لەلایەن جەیسۆن کوپەر زانای بەنێوبانگی ئەمریکییەوە دۆزراوەتەوە.