حووسییەکانی یەمەن بەچڕی بۆردوومان دەکرێن

ئاڤا نیوز

فڕۆكە جەنگییەكانی ئەمریكا و بەریتانیا بە هاوبەشی هێرشێكی چڕیان كردە سەر شاری حودەیدەی یەمەن و چەندین کۆگا و  حەشارەگەی حووسییەکانیان بۆردوومان كرد.

وێنە گەورەكە: لە ماوەی شەش مانگی ڕابردوودا ئەمریكا و بەریتانیا بە هاوبەشی  چەندینجار هێرشی ئاسمانیان كردووەتە سەر کۆگا و بنكە و بارەگاكانی حووسییەكان، ئەمڕۆش جارێكی دیكە چەندین بارەگای گرووپەکەیان بۆردوومان كرد.

لێدوانی فەرمی: فەرماندەی ناوەندیی هێزەكانی ئەمریكا لە ڕۆژهەڵاتی ناوەڕاست ڕایگەیاند:” ئامانجیان لە بۆردوومانەكە كۆگاكانی چەك و درۆن و مووشەكی حووسییەكانە".

لەلایەکی  دیکەوە: میدیاکانی یەمەن دەڵێن ئیسرائیلیش لە هێرشەکەدا بەشدار بووە.

 

ئەمەش بزانە: بەشێكی زۆر لە ناوەند و كۆگاكانی حووسییەكان کە گرووپێکی چەکداریی نزیک لە ئێرانە، لە شاری حودەیدەی یەمەنە و گەورەترین و بەهێزترین ناوچەی سیاسی و سەربازی ئەو گرووپەیە.