کۆچ و کۆچبەرانی عێراق: نزیکەی دوو هەزار ئاوارەی دیکە گەڕانەوە شنگال

ئاڤا نیوز 

وەزارەتی کۆچ و کۆچبەرانی عێراق ڕایگەیاند، گەڕانەوەی ئاوارەکان بۆ زێدی خۆیان بەردەوامە و ئەمرۆش زیاتر لە 600 کەس لە کەمپەکان گەڕاونەتەوە.

وێنە گەورەکە: عێراق بڕیاری داوە تاوەکو 30-7-2024، سەرجەم کەمپەکان دابخات و بەشێک لە ئاوارەکانیش ئەو داوایە ڕەت دەکەنەوە.

ڕاگەیێنراوی فەرمی: وەزارەتی کۆچ و کۆچبەرانی عێراق ڕایگەیاند: گەڕانەوەی ئاوارەکان لە کەمپەکانی پارێزگای دهۆک بەردەوامە و لە ماوەی چەند ڕۆژی ڕابردوودا هەزار و 841 ئاوارەی ئێزدی لە کەمپەکانی پارێزگای دهۆک گەڕاونەتەوە شنگال.

ئەوەی پێویستە بیزانیت: ئاوارەکان بە ویستی خۆیان دەگەڕێنەوە و ڕۆژانەش 637 کەس ناوی خۆیان تۆمار دەکەن بۆ گەڕانەوە، وەزارەتی کۆچ و کۆچبەرانی عێراق وادەڵێت.

هۆکارە زانراوەکان: بە هۆی هێرشی داعشەوە 80%ـی ژێرخانی شنگال و 70%ـی خانووەکانی وێران بوون، بەو هۆیەشەوە هێشتا 183هەزار لە خەڵکی شنگال ئاوارەن.