حەلبووسی ڕەخنە لە یاسایەكی تایبەت بە حەشدی شەعبی دەگرێت

ئاڤا نیوز

محەممەد حەلبووسی سەرۆکی پێشووی پەرلەمانی عێراق ئاماژە بەوە دەکات، ئەگەری هەیە یاسا نوێیەکەی پەیوەندیدار بە دەستەی حەشدی شەعبی بۆ مەرامی سیاسی بەکاربهێنرێت و "قبوڵکراو" نییە.

وێنە گەورەکە: بڕیارە ڕۆژی چوارشەممە، پەرلەمانی عێراق خوێندنەوەی یەکەم بۆ یاسای خزمەت و خانەنشینیی ئەندامانی دەستەی حەشدی شەعبی بکات.

لێدوانی فەرمی: محەممەد حەلبوسی، لە تۆڕی ئێكس نووسیویەتی: پرۆژە یاساکە دەقێکی تێدایە لە ماددەی 32 دا ڕێگە بە سەرۆکی دەستەکە دەدات ئەندامانی حەشد بە ناچاری خانەنشین بکات، ئەمەش ڕەنگە بۆ مەرامی هەڵبژاردن و بابەتی سیاسی بەکاربهێنرێت، ئەو بەکارهێنانەش قبوڵکراو نییە.

باكگراوند: دوای هاتنی چەکدارانی داعش لە ساڵی 2014 کاتێک بەشێکی زۆری سوپای عێراق دووچاری شپرزەیی و لێکترازان بوو، بە فەتوایەکی سیستانی هێزی حەشدی شەعبی دروستکرا.