رێڤەبەریا كۆچ و كۆچبهرێن دهۆكێ: ئاوارەیان نەڤێت ڤەگەرنە سەر جهێن خۆ
- هەواڵ
- 10 کانوونی دووەم

ئاوارەکانی شنگال
ئاڤا میدیا
حکومەتا عێراقێ داخاز دکەت هەمی کەمپێن ئاوارەیان بهێنە داخستن و رێڤەبەرێ كۆچ و كۆچبهرێن دهۆكێ ژی دبێژیت، ئاوارەیان نەڤێت ڤەگەرنە سەر جهێن خۆ.
"خەلک رۆژانە دهێت داخازا ڤەگەڕیانێ دکەت بۆ سەر جهێن خۆ و ئەم یەکسەر رازیبوونێ ددەینێ"، کۆچ و کۆچبەرێن دهۆکێ نڤیسیارێ ددەنە زالگەهێن هەرێما کورستانێ بۆ ئاسانکاریێ، هەروەسا نڤیسارێ ددەنە وەزارەتا کۆچ و کۆچبەرێن عێراقێ داکو قەرەبوویا ماددی ب وان ئاوارەیان بهێتە دان کو ڤەدگەڕنە سەر جهێن خۆ. پیردهیان جهعفهر، رێڤهبهرێ كۆچ و كۆچبهران ل پارێزگهها دهۆكێ بۆ ئاڤا میدیا هوسا گوت.
حکومەتا عێراقێ بڕیاردایە کەمپێن ئاوارەیان دابئێزیت، لێ "وەک حکومەتا هەرێما کوردستانی ئەم چ کەمپا ب زۆری ناگرین و ئاوارەیان ژی ب زۆری ناڤەگەڕینین، ل دویڤ حەزا خۆ ئەو دێ بڕیارێ دەن بمینن یان ڤەگەڕن، هندی ئەو ل ڤێرە بن ئەم دێ خزمەتا وان کەین و هەر دەما داخاز بکەن ڤەگەڕن ئەم دێ کارێن وان جێبەجێکەین". پیردەیان جەعفەر بڤی رەنگی دەربارەی داخستنا کەمپان ئاخفت.
بۆچی ئاوارەیان نەڤێت ڤەگەڕن؟
ئەولەهی و خزمەتگوزاری ژ ئەگەرێن سەرەکینە بۆ نەڤەگەڕیانا ئاوارەیان و لسەر ڤێ ژی ب دیتنا پریدەیان جەعفەر، "ب چ رەنگا رەوشا دەڤەرێن ئاوارەیان یا ئارام نینە ژبەر هەبوونا هێزێن نەیاسایی و گرووپێن چەکدار، ژبلی ڤێ ژی ئاوارەیان پێدڤی ب هەڤکاری و قەرەبوویا ماددییە داکو بشێن ڤەگەڕنە سەرجهێن خۆ و دووبارە خانیێن خۆ یێن وێرانبووی ئاڤاکەنەڤە کو 80% یا خەلکێ شنگالێ داعشێ خانیێن وان تێکداینە یان هەرفاندنە".
رێکەفتنا شنگالێ... ل سالا 2020ـێ د ناڤبەرا حکومەتێن هەرێما کوردستان و عێراقێ دا رێکەفتنەک دەربارەی شنگالێ هاتە ئیمزاکرن، بۆ ئاساییکرنا رەوشا ئەولەهیا وێ قەزایێ و ڤەگەڕاندنا ئاوارەیان، بەندێن رێکەفتێن پێکدهاتن ژ روویێ کارگێڕی وەک دانانا قایمقام و پۆستێن ئیداری ل دویڤ دەستوری، هەروەسا پرسا ئەمنی ژی بۆ دوورخستنا هەمی گرووپێن چەکدار و دامەزراندنا دوو هزار و 500 کەسان بۆ پاراستنا ئەولەهیا وێ قەزایێ، ژ روویێ ئاڤەدانکرنێ ژی ڤە بۆ دووبارە ئاڤەدانکرن و دابینکرنا خزمەتگوزاریان و ڤەگەڕاندنا ئاوارەیان، ئەڤ ژی ب هەڤبەشی و هەڤبەندیا حکومەتێن هەرێما کوردستان و عێراقێ بیت، لێ وەک حکومەتا هەرێما کوردستانێ دبێژیت، حکومەتا عێراقێ چ ژ بەندێن وێ رێکەفتنێ جێبەجێنەکرینە.
چەند ئاوارە ڤەگەڕیاینە سەر جهێن خۆ؟
ل سالا 2023ـێ نێزیکی هزار خێزان ڤەگەڕیانە سنوورێ قەزا شنگالێ، بەرۆڤاژی ڤێ ژی هێشتا خەلک ل شنگالێ قەستا هەرێما کوردستانێ دکەت و هەر د سالا 2023ـێ دا نێزیکی 300 خێزانان ل شنگالێ بەرێ خۆ داینە هەرێما کوردستانێ و دخازن ل هەرێما کوردستانێ بژین. ئاڤا میدیا، ئەڤ ئامارە ژ رێڤەبەریا کۆچ و کۆچبەرێن دهۆکێ وەرگرتینە.
20 کەمپ ل پارێزگەها دهۆکێ هەنە
نوكه 20 كهمپێن ئاواره و پهنابهران ل سنوورێ پارێزگهها دهۆكێ ههنه، کو 337 هزار ژ ئاکنجیێن وان ئاوارهنه و 110 هزار ژی پهنابهرن، 25 هزار خێزان د ناڤ كهمپاندانه و 37 هزار ژى ل دهرڤهى كهمپانه.

سەفین تەها
Output Manager
دوایین هەواڵەکان
- عێراق
- 24 خولەک لەمەوپێش
سەردانەکەی شەیبانی بۆ عێراق کاردانەوەی لێدەکەوێتەوە
- ژینگە
- 34 خولەک لەمەوپێش
ئەندازەی پاركەكانی هەولێر: ڕێژەی سەوزایی لە 3%ەوە بووەتە 20%
- ببینە و ببیستە
- 57 خولەک لەمەوپێش
بەرنامەی شاڵ لە گوندی هاریکا
هەڵبژاردەکان بۆ تۆ
مەترسیە پێشبینیكراوەكانی ژیری دەستكرد دەگاتە ئاستی گفتوگۆی سەركردەی وڵاتان
18 کاتژمێر لەمەوپێش
لە قەزای خورماڵ یەکەم پڕۆژەی خێرخوازیی پاسکیلسوای کرایەوە
10 شوبات
مەم و زینی ئەحمەدی خانی دەكرێتە فارسی
9 شوبات
دوای نیو سەدە وەڵامی سیڤیی ژنێک دەدرێتەوە کە داوای هەلی کاری کردبوو
9 شوبات
خەزێنەی ئەمریکا بەڕووی کوردستان و جیهان داخراوە
9 شوبات