لە سنووری سلێمانی ئاگرێكی گەورە كەوتەوە

ئاڤا نیوز 

 

لە سنووری ناحیەی بەرزنجە پارێزگای سلێمانی، ئاگرێكی گەورە كەوتەوە و 700 دۆنم پووش و پاوان و ڕەز و باخی هاونیشتمانیان سووتا.

 

وێنە گەورەكە: ساڵانە لەگەڵ هاتنی وەرزی هاوین، حاڵەتەكانی كەوتنەوەی ئاگر زیاد دەكەن و زۆرینەی ئاگرەكانیش سووتانی دەغڵودان و زەویی پاوان و باخی هاونیشتمانییانە لە دەرەوەی شارەكان، بەڵام تیمەكانی بەرگریی شارستانی زوو دەگەنە شوێنی ڕووداو و ئاگرەكە كۆنتڕۆڵ دەكەن.

 

ڕاگەیێنراوی فەرمی: بەپێی ڕاگەیێنراوی پۆلیسی دارستان و ژینگەی سلێمانی، لە سنووری ناحیەی بەرزنجە لە پارێزگای سلێمانی، ئاگرێكی گەورە كەوتووەتەوە و بەهۆیەوە زیاتر لە 700 دۆنم پوش و پاوان و باخی هاونیشتیمانیان سووتاوە و دواتر لەلایەن تیمەكانی بەڕێوەبەرایەتییەكەوە كۆنتڕۆڵ كراوە.

 

باكگراوند: بەپێی ئاماری حكومەتی هەرێمی كوردستان، لە شەش مانگی ئەمساڵ زیاتر لە هەزار و 292 ڕووداوی ئاگركەوتنەوە و خنكان و هەڵدێران لە هەرێمی كوردستان ڕوویان داوە.