پڕۆژەی ئاوی دەربەندی ڕانیە تەواو دەكرێت

ئاڤا نیوز

پڕۆژەی ئاوی دەربەندی ڕانیە 80٪ تەواو بووە، بەوەش کێشەی کەمئاوی بە تەواوی لەو سنوورە چارەسەر دەبێت.

وێنە گەورەكە: پڕۆژەی ئاوی دەربەندی ڕانیە لە ساڵی 2004 بڕیاری دروستکردنی دراوە بە هۆکاری جیاواز سێ جار فەرمانی گۆڕانکاریی تێدا دراوە، بەڵام ئەمجارە لە چوارچێوەی کارەکانی حکومەتی هەرێمی کوردستان دەستی پێ کردووەتەوە و پڕۆژەکە تەواو دەکرێت.

بۆچی گرنگە: پڕۆژەکە کێشەی ئاو بە تەواوی لە سنووری ئیدارەی ڕاپەڕین و قەزای چوارقوڕنە و حاجیاوا و چەند ناحیەیەکی ئەو سنوورە چارەسەر دەکات.

لێدوانی فەرمی: سەلام عومەر، بەڕێوەبەری ئاوی ڕاپەرین بە ئاڤا نیوزی گوت:ئەگەری زۆرە لە کۆتایی ئەمساڵ پڕۆژەی ئاوی دەربەندی ڕانیە کۆتای بێت و بکەوێتە خزمەتی هاونیشتمانیانی سنوورەکە.

ئەوەی پێویستە بیزانیت: گوژمەی پڕۆژەکە نزیکەی 300 ملیۆن دۆلارە و لەسەر بوودجەی وەبەرهێنانی وەزارەتی شارەوانی و گەشت و گوزارە.

خاڵی ئەرێنی: جگە لە چارەسەری کێشەی کەمئاوی، بە تەواوبوونی پرۆژەکە چەندین بیری ئاو کە ئێستا بەکاردەهێنرێن پڕدەکرێنەوە.