كارەبای سۆران: كارەبای هیچ ماڵێكمان نەبڕیوە

ئاڤا نیوز  

بەڕێوەبەرایەتیی كارەبای سۆران ڕەتی دەكاتەوە، كارەبای هیچ ماڵێكی لە سنوورەكە بڕیبێت.

وێنە گەورەكە: بەڕێوەبەرایەتیی كارەبای سۆران، دەستی بە هەڵمەتێكی بڕینی كارەبای ئەو دووكان و شوێنی بازرگانی و پڕۆژانە كردووە كە قەرزیان لەسەر كەڵەكە بووە، ڕەتیشی دەكاتەوە هەڵمەتەكە ماڵی هاونیشتمانیان بگرێتەوە.

ڕاگەیێنراوی فەرمی: بەڕێوەبەرایەتی كارەبای سۆران بڵاویكردەوە: لە سۆشیال میدیا ئەوە بڵاوكراوەتەوە گوایە كارەبای ماڵانیان بڕیبیت، کارەبای ئەو شوێن و جێیانە بڕاوە کە بڕێکی زۆر قەرزی کارەبایان لەسەر کەڵەکە بووە و بڕەکەی لە یەک ملیۆن دینار زیاترە و مانگانەش لەکاتی خۆیدا پابەند نابن بە دانەوە و کەمکردنەوەی قەرزی کەڵەکەبوویان.

زانیاریی زیاتر: ئەو شوێنانەی كە هەڵمەتەكەی بەڕێوەبەرایەتیی كارەبای سۆران دەیانگرێتەوە، بریتین لە شوێنی بازرگانی، دووكان و پڕۆژەی كشتوكاڵی و پیشەسازی.