کیم جۆنگ ئون: بەهەشتی خەڵک بونیات دەنێین

ئاڤا نیوز

کۆریای باکوور ساڵیادی کۆتایی جەنگی نێوان هەردوو کۆریا دەکاتەوە، ڕێبەرەکەی داوای بونیاتنانی "بەهەشتی خەڵک" دەکات.

لێدوانی فەرمی: کیم جۆنگ ئون، ڕێبەری کۆریای باکوور، ڕایگەیاند: "ئەوە پەیام و ئەرکی پیرۆزی نەوەی ئێمە بوو بۆ بەرگریکردن لە ئایدیۆلۆژیا و سیستەمی کۆمەڵایەتیمان و بۆ بونیاتنانی بەهەشتی خەڵک".

زانیاریی زیاتر: کیم هەروەها پاڵپشتییەکانی چینی بۆ کۆریای باکوور لە ماوەی ساڵانی شەڕدا ستایش کرد.

باکگراوند: ڕۆژی 27-7-1953، بە ئاگربەست کۆتایی بە شەڕی سێ ساڵەی نێوان هەر دوو کۆریا هات. دوای 71 ساڵ، هێشتا ئەو ئاگربەستە نەبووەتە ڕێککەوتننامەی ئاشتی.