سەرۆکوەزیرانی عێراق لەگەڵ فراکسیۆنی یەکێتی و پارتی کۆدەبێتەوە

ئاڤا نیوز 

ئەمڕۆ شەممە محەممەد شیاع سوودانی، سەرۆکوەزیرانی عێراق لە بەغدا لەگەڵ فراکسیۆنی تورکمانی لە ئەنجوومەنی پارێزگا کەرکوک کۆبۆوە ، پێنج شەممەی هەفتەی ڕابردووش لەگەڵ فراکسیۆنی عەرەبی کۆبۆوە، بڕیاریشە لەگەڵ فراكسیۆنەكانی یەكێتی و پارتی كۆببێتەوە.

وێنە گەورەكە: تەنیا 15 ڕۆژ لە بەردەم لایەنە سیاسییەکان ماوە تا ڕێکبکەون و حکومەتی خۆجێی پێکبهێنن، بە پێچەوانەوە پاش ئەو 15 ڕۆژە ئەنجومەنی پارێزگای کەرکووک هەڵدەوەشێتەوە.

لێدوانی فەرمی: ئەحمەد ڕەمزی، سەرۆکی فراکسۆنی تورکمانی بە ئاڤا نیوزی گوت:" سوودانی ڕۆڵی نێوەند گیر دەگێڕێت و داوای رێککەوتن و پێکهێنانی حکومەتی خۆجێی کردووە ، لە ڕێککەوتن نزیکین و بە ئەگەرێکی زۆرەوە لە دوو هەفتەی داهاتوو حکومەتی خۆجێی پێک دەهێنرێت".

زانیاریی بەدەستهاتوو: بەپێی زانیارییەکانی ئاڤا نیوز بڕیارە ئەم هەفتەیە سەرۆکوەزیرانی عێراق لەگەڵ هەر یەک لە فراکسیۆنەکانی یەکێتی و پارتی لە ئەنجومەنی پارێزگای کەرکوک کۆببێتەوە، تا بڕوا بە هەموو لایەنەکان بهێنێت لە ماوەی دوو هەفتەی داهاتوودا حکومەتی خۆجێی کەرکوک پێکبهێنرێت.