لقی سێی پارتی: هێرشەكە پێشهاتێکی خراپە و پێویستە لێکۆڵینەوەی ورد بکرێت

ئاڤا نیوز

لقی سێی پارتی دیموكراتی كوردستان پەیامێكی لەبارەی هێرشكردنەسەر لقەكەیان لە كەركووك بڵاوكردەوە، بە پێشهاتێكی خراپ ناوی دەبات و داوای لێكۆڵینەوە دەكات.

 

وێنە گەورەکە: بەرەبەیانی ئەمڕۆ شەممە لە دوو ئاراستەوە تەقە لە بارەگای لقی سێی پارتی دیموکراتی کوردستان، لە گەڕەکی ئەحمەد ئاغا لە شاری کەرکووک کرا و لەلایەن پاسەوانانی بارەگاکەوە وەڵام درایەوە. 

ڕاگەیێنراوی فەرمی: لقی سێی پارتی ڕایگەیاند: دیارە مەبەستی سەرەکیی هێرشەکە بە ئامانجگرتنی خاڵێکی بارەگای لقمان بووە، یەکەمجار تەقە لەوێ کراوە و مەبەستەکەش ئەوە بووە دواتر بێنە نێو لقەوە و کردەوەی تیرۆریستی بکەن، بەڵام پاسەوانەکانی بارەگای لق وەڵامیان داونەتەوە.

زانیاریی زیاتر:"پێشهاتێکی خراپە و داوا دەكەین لێکۆڵینەوەی ورد لە بابەتەکە بکرێت، لەسەر سیاسەتی خۆمان کە پێکەوەژیان و تەبایی نێوان سەرجەم پێکهاتەکانە بەردەوامین، هەموو جۆرە هەوڵێکی لەم شێوەیەش جگە لە شکستخواردنی نەیاران و پووچەڵ بوونەوەی پیلانەکانیان، هیچ دەرەنجامێکی ئەوتۆی نابێت". لقی سێی پارتی وادەڵێ.