گرفتێکی دابەشکردنی زەوی چارەسەر دەکرێت

ئاڤا نیوز

 

وەزیری شارەوانی بڕیاری خێراترکردنی ڕێكارەكانی دابەشكردنی زەوی دەکات و جەختیش لە قەرەبووكردنەوەی ئەو كەسانە دەکرێتەوە كە زەوییەكانیان دەكەونە ناو ئەو زەوییانەی دابەش دەكرێن.

 

وێنە گەورەکە: سەرۆکوەزیران بارزانی ڕەزامەندی لەسەر كۆنووسێكی وەزارەتی شارەوانی و گەشتوگوزار داوە و جەخت لە خێراتركردنی پرۆسەی دابەشكردنی زەوی بەسەر فەرمانبەر دەكاتەوە. 

 

ڕاگەیێنراوی فەرمی: وەزارەتی شارەوانی بڵاوی کردەوە: "بە ئامادەبوونی ساسان عەونی، وەزیری شارەوانی و گەشتوگوزار کۆبوونەوەیەک سەبارەت بە خێراتركردنی پرۆسەی دابەشكردنی زەوی بەسەر فەرمانبەران بەڕێوەچوو و تێیدا دەسەڵات بە شارەوانییەكان درا كاری ڕژد بۆ دانانی نەخشە و دیاریكردنی زەوییەکان بکەن".


زانیاریی زیاتر: هەر بەگوێرەی بڵاوکراوەکەی وەزارەتی شارەوانی: "فەرمانبەر و ئەندازیار بۆ ڕاییكردنی كارەكانی دابەشكردنی زەوی  دابین دەکرێن، هەروەها قەرەبووی ئەو كەسانەش دەکرێتەوە كە زەوییەكانیان دەكەونە ناو ئەو زەوییانەی دابەش دەكرێن".