کێشەی کەمئاوی چەند گەڕەکێکی کەرکووک چارەسەر دەکرێت

ئاڤا نیوز

 

کێشەی کەمئاوی گەڕەکی پەنجا عەلی کەرکووک یەکجاری چارەسەر دەکرێت، ئەمە جگە لەوەی کار بۆ چارەسەرکردنی هەمان کێشە لە گەڕەکی کوردستان  (فەیلەق) دەکرێت.

 

وێنە گەورەکە: بەهۆی وەرزی هاوینەوە بەشێک لە گەڕەکەکانی شاری کەرکووک کێشەی کەمئاوییان تێیدا دروست بووە و شاخەوان عەبدوڵڵا، لە نزیکەوە لەگەڵ خەڵکی ئەو گەڕەکانە کۆبووەوە و جگە لە دابینکردنی ئاو بە تانکەر بەڵێنی چارەسەرکردنی تەواوەتی کێشەکەشی داوە.

 

ڕاگەیێنراوی فەرمی: شاخەوان عەبدوڵڵا، جێگری سەرۆکی پەرلەمانی عێراق دەڵێت: لە کۆبوونەوەیەکدا لەگەڵ وەزیری ئاوەدانکردنەوە بۆ چارەسەرکردنی کێشەی یەکجاری ئاو ڕەزامەندیمان وەرگرتووە تاوەکو تۆڕی ئاوی ئەو گەڕەکە گرێ بدرێت بە تۆڕی ڕەئیسی و خەزانی چوار. هاوکات لەگەڵ بەڕێوەبەری ئاو قسەی کردووە لە ماوەی 10 بۆ 15 ڕۆژ پڕۆسەکە تەواو بکەن.

 

زانیاریی زیاتر: لەبارەی کێشەی کەمئاوی گەڕەکی کوردستان جێگری سەرۆکی پەرلەمان گوتی: بەردەوام لەسەر هێڵین، ڕەزامەندی لێدانی چوار بیر وەرگیراوە، لەگەڵ دروستکردنی خەزانێک و ڕاکێشانی بۆرییەکی هەشت ئینجی بەدرێژایی 100 مەتر.