ئەنەکەسە: پەیەدە چالاکوان و ڕۆژنامەنووسەکانمان ئازاد ناکات

ئاڤا نیوز

 

لە ماوەکانی ڕابردوودا هێزەکانی سەر بە پەیەدە لە ڕۆژئاوای کوردستان دەیان چالاکوان و ڕۆژنامەنووسی سەر بە ئەنەکەسەیان دەستگیر کردووە و هێشتا بەشێکیان لە زیندانەکاندا ماون.

 

لێدوانی فەرمی: سلێمان ئۆسۆ، سەرۆکی ئەنجوومەنی نیشتمانیی کورد لە سووریا بە ئاڤا نیوزی گوت: وێڕای داواکردن و ئەنجامدانی خۆپیشاندان، بەڵام تاوەکو ئێستا لەلایەن هێزەکانی (پەیەدە) چالاکوان و ڕۆژنامەنووسانی سەر بە ئەنجوومەنەکە ئازاد نەکراون.

 

زانیاریی زیاتر: سلێمان ئۆسۆ ئەوەشی گوت، جێگەی داخە دەسەڵاتدارانی ڕۆژئاوای کوردستان لەکاتێکدا لێبووردنی گشتی بۆ ئەو کەسانە دەردەکەن کە بە ماددەی تیرۆر سزادراون، بەڵام هاونیشتمانیی کورد کە چالاکوانی مەدەنی و ڕۆژنامەنووسن لە زینداندا بیهێڵنەوە.