ئەمریكا پاكێجێكی نوێی هاوكاری سەربازی بۆ ئۆكراینا ڕاگەیاند

ئاڤا نیوز 

ئەمریکا پاکێجێکی نوێی هاوکاری سەربازی بە بەهای یەک ملیار و 700 ملیۆن دۆلار بۆ ئۆکراینا ڕاگەیاند.

وێنە گەورەکە: ئەمریکا بەردەوامە لە پڕچەککردنی ئۆکراینا لە شەڕی بەرەنگاربوونەوەی ڕووسیا، ئەمەش دوای ئەوەی ڤۆلۆدمیر زێلێنسکی سەرۆکی ئۆکراینا داوای پشتیوانی سەربازی لە حکومەتەکەی جۆ بایدن، سەرۆکی ئەمریکا  و کۆنگرێس کرد.

ڕاگەیێنراوی فەرمی: وەزارەتی بەرگریی ئەمریکا ڕایگەیاند، پاکێجەکە بە بەهای 200 ملیۆن دۆلار کەلووپەل لەخۆدەگرێت کە لە پشکەکانی ئێستای سوپای ئەمریکا وەردەگیرێت و بەخێرایی دەگەیێنرێتە ئۆکراینا.

 

زانیاریی زیاتر: یەکێکی دیکە لە هاوکارییەکان بە بڕی نزیکەی یەک ملیار و 500 ملیۆن دۆلارە، لە کۆمپانیاکانی چەک داوا دەکرێت، ئەوەیان کاتێکی درەنگتر دەگات.