ژمارەیەک ڕێکخراوی کەرکووک داوای ڕێککەوتنی لایەنەکان دەکەن

ئاڤا نیوز 

ژمارەیەک ڕێکخراوی پارێزگای کەرکووک، داوا لە لایەنە سیاسییەکانی شارەکە دەکەن، لە پێناو خەڵکی ناوچە کوردستانییەکان ڕێکبکەون و لە زووترین کاتدا حکومەتی خۆجێی پێکبهێنن.

وێنە گەورەکە: 18-12-2023، هەڵبژاردنی ئەنجوومەنی پارێزگاکانی عێراق بە پارێزگای کەرکووکیشەوە كرا، بەڵام تا ئێستا حکومەتی خۆجێی بۆ کەرکووک پێکنەهێنراوە.

ڕاگەیێنراوی فەرمی: ڕۆژی 29-7-2024، ڕێکخراوەکانی پارێزگای کەرکووک بڵاویانکردەوە: پێویستە لە زووترین کاتدا ناکۆکییە سیاسییەکان لە پێناو خەڵکی کەرکووک وەلابنرێت، دروشمەکان بکرێن بە کردار و حکومەتی خۆجێی بۆ شارەکە پێکبهێنرێت.

زانیاریی زیاتر: زیاتر لە حەوت مانگە هەڵبژاردنی ئەنجوومەنی پارێزگای کەرکووک کراوە، بەڵام بەهۆی ناکۆکی نێوان لایەنە سیاسییەکانی براوەی هەڵبژاردنەوە نەتوانراوە پارێزگارێکی کورد بۆ شارەکە دابنرێت.