سوودانی بەشداری لە ڕێوەڕەسمی دەستبەكاربوونی پزیشكیان دەكات

ئاڤا نیوز 

بڕیارە ئەمڕۆ ڕێوەرەسمی سوێندخواردنی دەستبەکاربوونی سەرۆککۆماری نوێی ئێران بەڕێوەبچێت و چەندین بەرپرسی باڵای وڵاتان بەشداریی دەکەن، لەوانەش سەرۆکوەزیرانی عێراق و سەرۆکی هەرێمی کوردستان.

وێنە گەورەکە: ئێوارەی ئەمڕۆ سێشەممە، ڕێوڕەسمی سوێندخواردنی مەسعود پزیشکیان وەک سەرۆککۆماری ئێڕان لە تاران بەڕێوە دەچێت. بەرپرسانی باڵای ئێران و نوێنەرانی 86 دەوڵەت و 104 دەستە و دامەزراوەی نێودەوڵەتی لە ڕێوڕەسمەکەدا ئامادە دەبن.

زانیاریی بەدەستهاتوو: سەرچاوەیەک بە ئاڤا نیوزی گوت: محەممەد شیاع سوودانی، سەرۆکوەزیرانی عێراق بەرەو تاران بەڕێکەوت بۆ بەشداریکردن لە ڕێوەرسمی سوێندخواردنی دەستبەکاربوونی مەسعود پزیشکیان وەک سەرۆککۆمار.

ئەوەی پێویستە بیزانیت: مەسعود پزیشکیان لە گەڕی دووەمی هەڵبژاردنەکانی ئێران کە ڕۆژی پێنجی ئەم مانگە بەڕێوەچوو سەروو 16 ملیۆن دەنگی بەدەستهێنا و بووە نۆیەمین سەرۆککۆماری ئێران.