کوڕێکی عەتا سەراوی: باوکم ئازاد نەکراوە

ئاڤا نیوز

 

کوڕێکی عەتا سەراوی ڕایدەگەیێنێت، ئەو دەنگۆیانەی لەسەر ئازادکردنی باوکم بڵاوکراوەتەوە، هیچ بنەمایەکیان نییە و باوکم هێشتا دەستبەسەرە.

 

چیرۆکی سەرەکی: ڕۆژی 5-7-2024، عەتا سەراوی، ئەندامی پێشووی سەرکردایەتیی یەکێتی لەلایەن ئاسایشەوە لەنێو فڕۆکەخانەی نێودەوڵەتیی سلێمانی دەستگیر کرا، بنەماڵەکەی لە کۆنگرەیەکی ڕۆژنامەوانی ناڕەزایەتیان دەربڕی.

 

لێدوانی فەرمی: پێشڕەو عەتا سەراوی بە ئاڤا نیوزی گوت: باوکم ئازاد نەکراوە و هیچ شتێک لەسەر ئازادکردنیشی نییە، ئەو دەنگۆیانەی بڵاوکراونەتەوە بنەمایان نییە.

 

زانیاریی زیاتر: پێشڕەو عەتا سەراوی زیاتر لە مانگێکە داوای بینینی بافڵ تاڵەبانی کردووە، بۆ ئەوەی هۆکاری دەستگیرکردنی باوکی بۆ ڕوون بکرێتەوە، بەڵام تاوەکو ئێستا وەڵامیان نەدراوەتەوە.