گوتەبێژی حكومەت و بەشێک لە وەزارەتەكان لەگەڵ ژمارەیەک بەرپرسی ئەمریكا کۆدەبنەوە

ئاڤا نیوز

 

گوتەبێژی حكومەتی هەرێمی كوردستان و ژمارەیەک گوتەبێژی وەزارەت و فەرمانگە پەیوەندیدارەكان، سەردانی ئەمریکایان کردووە و لەگەڵ بەرپرسانی ئەو وڵاتە کۆدەبنەوە. 

 

ڕاگەیێنراوی فەرمی: پێشەوا هەورامانی، گوتەبێژی حکومەتی هەرێمی کوردستان ڕایگەیاند: لەگەڵ بەشێک لە گوتەبێژی وەزارەت و دامودەزگاكان، لە وەزارەتی دەرەوەی ئەمریكا بوونە لەگەڵ بەرپرسی پڕۆگرامی (ئاڵوگۆڕی ئەمریکی ـ سەرکردەیی سەردانکەرانی نێودەوڵەتی) كۆبوونەتەوە، هاوكات چاویشیان كەوتووە بە (پاریس گڵندنینگ) حاکمی پێشووی ویلایەتی میریلاند و بەرپرسانی میدیایی وەزارەتی بەرگریی ئەمریکا لە پنتاگۆن.

 

خاڵی ئەرێنی: گوتەبێژی حکومەت و هاوکارەکانی لە ئەمریکا، لە ڕۆژانی داهاتوودا چەند دیدارێکی گرنگیان لەگەڵ بەرپرسانی وەزارەتی دەرەوە و وەزارەتی داد و بەرپرسانی خۆجێیی چەند ویلایەتێک دەبێت.

 

زانیاریی زیاتر: ئەم سەردانەش لەکاتێکدایە کە حکومەتی هەرێمی کوردستان، باوەڕی تەواوی بە کرانەوە و بەرەوپێشبردنی توانای کارمەندانی خۆیەتی لە بواری میدیا، بۆ ڕەخساندنی کەشێکی گونجاو لە پرسی گەیاندنی زانیاری بە ڕۆژنامەنووسان.