شەش کەس بە تۆمەتی بازرگانیکردن بە ماددەی هۆشبەر دەستگیرکران

ئاڤا نیوز

 

 شەش کەس بە تۆمەتی بازرگانی کردن بە ماددەی هۆشبەر دەستگیرکران و بڕی یەک کیلۆگرام ماددەی هۆشبەریش لە جۆری کریستاڵ دەستی بەسەرداگیرا.

 

ڕاگەیێنراوی فەرمی: بەڕێوەبەرایەتی گشتی نەهێشتنی ماددە هۆشبەرەکان لە هەرێمی کوردستان ڕایگەیاند: لە چالاکیەکی دوو رۆژی دا, باندێکی شەش کەسی مەترسیدار کە کاری بڵاوکردنەوە و کڕین و فرۆشتنی ماددەی هۆشبەریان دەکرد، دەستگیرکرد. هەروەها درۆنێکیش کە لەم تاوانکاریەدا بەکار هێنراوە لەگەڵ چەند پارچە چەک و نارنجۆک و بڕێک دۆلاری ساختە دەستی بەسەردا گیرا.

 

زانیاریی زیاتر: تەواوی تۆمەتباران لەژێر لێکۆڵینەوەدان و بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان ڕووبەڕووی یاسا دەکرێنەوە.