ئاگرێكی "گەورە" لە چیای نزاركێی دهۆک كەوتەوە

ئاڤا نیوز

 

ئاگرێک لە چیای نزاركێ لە شاری دهۆک كەوتووەتەوە و تاوەكو ئێستا كۆنتڕۆڵ نەكراوە.

 

وێنە گەورەكە: ئاگر لە ڕووبەرێكی فراوانی چیای نزاركێ لە سنووری دهۆک كەوتووەتەوە و جگە لە پووش و پەڵاش، ژمارەیەک داری سرووشتیش سووتاون و تاوەكو ئێستا بەردەوامە.

 

لێدوانی فەرمی: بێوار عەبدولعەزیز، گوتەبێژی بەرگریی شارستانیی دهۆک بە ئاڤا نیوزی گوت: لە كاتژمێر (6:00)ی ئێوارەوە ئاگر لە چیای نزاركێ لە دهۆک كەوتووەتەوە و هەرچەند تیمەكانی بەرگریی شارستانی لە هەوڵدان بەڵام تاوەكو ئێستا ئاگرەكە كۆنترۆڵ نەكراوە.

 

زانیاریی زیاتر: لە ئەنجامی ئاگرەكە ڕووبەرێكی گەورەی پووش و پەڵاش و داری خۆڕسكی چیاكە سووتاون.