نێچيرڤان بارزانى لە یادی جینۆسایدی بارزانییەکان: جەخت لە یەکڕیزیی لایەنە سیاسییەکان دەکاتەوە

ئاڤا نیوز

 

لە 41 ساڵەی جینۆسایدی بارزانییەکاندا سەرۆکی هەرێمی کوردستان پەیامێکی بڵاوکردەوە و دەڵێت، ئەنفالی بارزانییەکان هێز و گوڕوتينى زياترى به‌ بزووتنه‌وه‌ى ڕزگاريخوازى كوردستان دا.

 

وێنە گەورەكە: لە‌ 31-07-1983‌، ڕژێمى بەعس ئه‌نفالی بارزانییەکانی دەستیپێکرد کە بەهۆیەوە هه‌شت هه‌زار هاونیشتمانی بارزانی جینۆسایدکران.

 

ڕاگەیێنراوی فەرمی: نێچيرڤان بارزانى، سه‌رۆكى هه‌رێمى كوردستان گوتی: ئه‌نفالى بارزانييەکان وه‌ک هه‌موو تاوانكارييه‌كانى ديكه‌ى مێژوو بۆ شكاندنى ئيراده‌ى گه‌لى ئازاديخوازى كوردستان بوو، به‌ڵام بووه‌ په‌ڵه‌يه‌كى ڕه‌ش به‌ نێچه‌وانى ئه‌نجامده‌رانييه‌وه‌. هێز و گوڕوتينى زياترى به‌ بزووتنه‌وه‌ى ڕزگاريخوازى كوردستان دا و دلێرانه‌تر ڕووبه‌ڕووى سته‌م و دكتاتۆرى بووه‌وه‌.

 

لەلایەکی دیکەوە: "سوپاس و پێزانين بۆ هه‌موو ئه‌و جوامێرانه‌ى‌ ئه‌و ڕۆژگاره‌ سه‌خته‌، يارمه‌تيى لێقه‌وماوانى بارزانييان دا جه‌خت له‌ يه‌كڕيزى و ته‌بايى و پێكه‌وه‌یی لايه‌نه‌ سياسييه‌كان و پێكهاته‌كانى كوردستان و قه‌رەبووكردنه‌ى كه‌سوكارى ئه‌نفالكراوان ده‌كه‌ينه‌وه‌". سەرۆکی هەرێمی کوردستان وادەڵێت.