نێچیرڤان بارزانی و قالیباف جەخت لە برەودان بە پەیوەندییەکانی نێوان هەر‌ێمی کوردستان و ئێران دەکەنەوە

ئاڤا نیوز

 

سەرۆکایەتی هەرێمی کوردستان بڵاوی کردەوە، سەرۆکی هەرێمی کوردستان و سەرۆکی ئەنجوومەنی شورای ئیسلامیی ئێران کۆبوونەوە و جەخت لە پەیوەندییەکانی نێوان هەر‌ێمی کوردستان و ئێران دەکەنەوە. 

 

وێنە گەورەکە: دوو ڕۆژە نێچیرڤان بارزانی، سەرۆکی هەرێمی کوردستان لە تارانە، بەفەرمی لەلایەن ئەو وڵاتە بۆ بەشداریکردن لە ڕێوڕەسمی دەستبەکاربوونی مەسعود پزیشکیان، سەرۆککۆماری نوێ بانگێشت کراوە، ڕۆژی چوارشەممە 31-07-2024، نێچیرڤان بارزانی، سەرۆکی هەرێمی کوردستان و محەممەد باقر قالیباف، سەرۆکی ئەنجوومەنی شورای ئیسلامی ئێران کۆبوونەوە.

 

زانیاریی زیاتر: لە کۆبوونەوەکەدا جەخت لەسەر برەودان بە پەیوەندییەکانی نێوان هەرێمی کوردستان و ئێران لە هەموو بوارەکان کرایەوە.

 

لەلایەکی دیکەوە: هەرێمی کوردستان و ئێران هاوکاریی هاوبەشیان لەسەر ئاستی ناوچەکە بۆ پاراستنی سەقامگیری و ئارامی بە پێویست زانیوە.