پەیەدە هەڕەشە لە خێزانی پێشمەرگەكانی ڕۆژ دەكات

ئاڤا نیوز

 

ئەنجوومەنی نیشتیمانی كورد لە سووریا، ئاشكرای دەكات، چەند جارێك لەلایەن پەیەدەوە هەڕەشە لە خێزانی پێشمەرگەكانی ڕۆژ كراوە.

 

وێنە گەورەكە: هێزە ئەمنییەكانی سەر بە پەیەدە لە ڕۆژئاوای كوردستان، دەستیان بە هەڵمەتێكی هەڕەشە و تۆقاندنی خێزان و خانەوادەی پێشمەرگەكانی ڕۆژ كردووە و ئامانجیان ئەوەیە كە ئەو پێشمەرگانە واز لە هێزەكە بهێنن.

 

ڕاگەیێنراوی فەرمی: ئەنجوومەنی نیشتیمانی كورد لە سووریا ڕایگەیاند: "هێزەکانی پەیەدە لەژێر گوشاردا ڤیدیۆ بە خێزان و خانەوادەی پێشمەرگەكانی ڕۆژ تۆمار دەكەن، كە لە دژی كوڕەكانیان قسە بكەن و دواتر لە میدیاكان بڵاوی دەكەنەوە."

 

زانیاریی زیاتر: ئەنجوومەنی نیشتمانی کورد لە سووریا وێڕای ئیدانەكردنی ئەو هەڵمەتەی پەیەدە، ڕایدەگەیێنێت، ئامانج لەو كارە پوچەڵكردنەوەی هەوڵەكانی دانوستاندنی ئەمریكا و ئەورووپایە بۆ چارەسەركردنی دۆخی ناوچەكە.