سەرۆكی هەرێمی كوردستان پزیشکیان بانگهێشتی هەولێر دەکات

ئاڤا نیوز

نێچیرڤان بارزانی سەرۆكی هەرێمی كوردستان، مەسعود پزیشكیان سەرۆككۆماری ئێران بانگهێشتی هەولێر دەكات.

 

وێنە گەورەکە: لە مەراسیمی دەستبەرکاربوونی سەرۆککۆماری ئێران، نێچیرڤان بارزانی سەرۆکی هەرێمی کوردستان بەفەرمی بانگهێشتی ئەو وڵاتە کرا و بەشداری مەراسیمەکە بووە.

ڕاگەیێنراوی فەرمی: سەرۆکایەتی هەرێمی کوردستان ئەمڕۆ چوارشەممە ڕایگەیاند: لە کۆبوونەوەکە سەرۆکی ئێران سوپاسی بەشداری سەرۆکی هەرێمی کوردستانی کردووە بۆ بەشداری لە مەراسیمی سوێندخواردنی، گوتوویەتی: ئێران خوازیاری برەودانە بە پەیوەندییەكان و هاریکاریی هاوبه‌شی لەگەڵ هەرێمی كوردستان و عێراقدا.

زانیاریی زیاتر: سەرۆکی هەرێمی کوردستان سوپاسی بانگهێشتەکەی کردووەو گوتوویەتی: هەرێمی كوردستان ئێران بە دراوسێیەكی گرنگی خۆی دەزانێت و کار ده‌کات بۆ بەرەوپێشبردنی پەیوەندییەكانی عێراق و هەرێمی كوردستان له‌گه‌ڵ ئێراندا، هه‌روه‌ها پزشکیانی بانگهێشتی هه‌ولێر کرد له‌ کاتی سه‌ردانی چاوه‌ڕوانکراویدا بۆ‌ به‌غدا.

ئەوەی پێویستە بیزانیت: لە کۆبوونەوەکەدا سەرۆکی هەرێمی کوردستان خوازیار بووە ڕێژەی گەشتیارانی ئێرانی بۆ باشووری عێراق لە ڕێگەی هەرێمی كوردستانەوە و زیاتر و ئاڵوگۆڕی بازرگانی لەنێوان هەردوولادا فراوانتر ببێت، داكۆكی لەوەش كردەوە " هەرێمی كوردستان هیچ كاتێك بۆ ئێران و وڵاتانی دراوسێ نابێتە سەرچاوەی هەڕەشە".