وەزارەتی شارەوانی گرفتی موڵكە بەكرێدراوەكانی چارەسەر دەکات

ئاڤا نیوز 

 

سەرۆکوەزیران بارزانی مەرج و ڕێكارەكانی تایبەت بە چارەسەركردنی گرفتەكانی موڵكە بەكرێدراوەكان لە وەزارەتی شارەوانی پەسەند كرد کە ئامانج لێی چارەسەرکردنی گرفتە كەڵەكەبووەكانە.

 

ڕاگەیێنراوی فەرمی: وەزارەتی شارەوانی و گەشتوگوزار ڕایگەیاند: سەرۆکوەزیران بارزانی، مەرج و ڕێكارەكانی تایبەت بە چارەسەركردنی گرفتەكانی موڵكە بەكرێدراوەكان لە وەزارەتی شارەوانی پەسەند كرد كە دەبێتە هۆی ئاسانكاریی زیاتر بۆ ئەو خاوەنكارە كرێگرتانەی موڵكی شارەوانین یان ئەوانەی دەیانەوێت لە داهاتوودا ببنە كرێگرتە.

 

زانیاریی زیاتر: وەزیری شارەوانی بە نووسراوی فەرمی گشتاندنی بۆ دەستەی گەشتوگوزار و هەموو بەڕێوەبەرایەتیی گشتی و سەرۆكایەتیی شارەوانییەكان و بەڕێوەبەرایەتیی نەخشەدانانی ئاوەدانیی پارێزگا و ئیدارە سەربەخۆكان کردووە تاوەکو ئەو مەرج و ڕێكارە نوێیانە پەیڕەو بكرێت.

 

ئەوەی پێویستە بیزانیت: ئامانج لەم هەنگاوە چاسەرەكردنی گرفتە كەڵەكەبووەكانە كە لە ماوەی ساڵانی ڕابردوودا دووچاری موڵكەكانی شارەوانی بووەتەوە و بەم ڕێكارە دەتوانرێت چارەسەری گرفتەكان بكرێت و كرێگرتەكان سوودمەند دەبن.