61 پڕۆژەی سامانی ماسی لە پارێزگای دهۆک هەیە

ئاڤا نیوز  

بەڕێوەبەری سامانی ئاژەڵ لە دھۆک ڕایگەیاند، 61 پڕۆژەی سامانی ماسی لە پارێزگای دهۆک هەن و پڕۆژەی بەنداوی مووسڵ کاریگەری زۆر باشی دەبێت.

بۆچی گرنگە: پرۆژەکانی بەخێوکردنی ماسی، لە کابینەی نۆیەمدا گەشەی زیاتریان پێ درا و ئەوەش بەرهەمی ناوخۆی ماسی زیاتر کرد.

لێدوانی فەرمی: ڕێدیر سدقی، بەڕێوەبەری سامانی ئاژەڵ لە دھۆک بە ئاڤا نیوزی گوت: "دوو هەنگاوی حکومەتی هەرێمی کوردستان کاریگەری زۆر باشی لەسەر سامانی ماسی هەبوو، بریتیبوون لە کۆگاکردنی ئاو لە بەنداوەکان و دروستکردنی پڕۆژەی سامانی ماسی لە بانداوی مووسڵ".

لە لایەکی دیکەوە: پڕۆژەی بەنداوی مووسڵ قۆناغی یەکەمی تەواوبووە، لە پڕۆژەکەدا نوێترین تەکنەلۆژیا بەکاردەهێنرێت و کارگەی عەلەفیش بۆ بەخێوکردنی ماسی لەخۆ دەگرێت، پڕۆژەکە بە سێ قۆناغ دروست دەکرێت.

باکگراوند: لە هەرێمی کوردستان 413 پڕۆژەی ماسی هەن.