سەدر داوایەکی "ئەستەم" لە کابینەکەی سوودانی دەکات

ئاڤا نیوز 

ڕێبەری ڕەوتی نیشتیمانی شیعە، داوا لەو وڵاتانە ئیسلامی و عەرەبییانە دەکات کە پەیوەندییان لەگەڵ ئیسرائیل هەیە پەیوەندییەکانیان بپچڕێنن، بۆ ئەوەش داوایەکی "ئەستەم" لە کابینەکی محەممەد شیاع سوودانی دەکات.

پەیامی فەرمی: موقتەدا سەدر، ڕێبەری ڕەوتی نیشتیمانی شیعە لە پەیامێکدا لە تۆڕی "ئێكس"، داوا لە وڵاتانی ئیسلامی و عەرەبی دەكات كە پەیوەندییان لەگەڵ ئیسرائیل هەیە، کۆتایی بەو پەیوەندییانە بهێنن و بە تەواوی بایکۆتی بەرهەمەکانی بکەن.

زانیاریی زیاتر: سەدر داوا لە حکومەت و پەرلەمانی عێراق دەكات، ئەگەر ئەو وڵاتانە ئەو هەنگاوە نەنێن دەبێت ڕێکاری دیپلۆماسی دژیان بگیرێتە بەر، داواش لە کۆمکاری وڵاتانی عەرەبی و ڕێکخراوی هاوکاریی ئیسلامی دەکات، فشار لە ئەنجوومەنی ئاسایشی نێودەوڵەتی و نەتەوە یەکگرتووەکان بکەن، بۆ ئەوەی هەڵویستیان دژی ئیسرائیل هەبێت.

 

ئەوەی پێویستە بیزانیت:هەریەك لە وڵاتانی میسر، ئوردن، ئیمارات، بەحرەین، سوودان و مەغریب ئەو وڵاتانەن كە پەیوەندییان لەگەڵ ئیسرائیل هەیە و باڵیۆزخانەشیان لە عێراق هەیە.