دوو ڕۆژ دوای هێرشی داعش سەرۆک بارزانی چی بە بابەشێخ گوت؟

ئاڤا نیوز  

دوای تێپەڕبوونی 10 ساڵ بەسەر جینۆسایدی ئێزدییەکان، ڕاوێژکارێکی سەرۆک بارزانی، ناوەڕۆکی گفتوگۆیەکی نێوان سەرۆک بارزانی و بابەشێخ ئاشکرا دەکات.

چیرۆکی سەرەکی: ڕۆژی 3-8-2014، داعش هێرشی کردە سەر شنگال و جینۆسایدی ئێزدییەکانی دەستپێکرد، دوو ڕۆژ دواتر شێخ خرتۆ حاجی ئیسماعیل، (بابە شێخ) ڕێبەری ئەوکاتی ئێزدییەکان، خۆی دەگەیێنێتە لای سەرۆک بارزانی.

بڵاوکراوەی فەرمی: زکری مووسا، ڕاوێژکاری سەرۆک بارزانی، دەڵێت"بابە شێخ بە چاوی پڕ فرمێسکەوە بە سەرۆک بارزانی گوت:" فەرمانە لەسەر ئێمە، هانامان بۆ تۆ هێناوە، لە ئاسمان خوامان هەیە و لەسەر زەوی بارزان، ماڵمان سووتا و لەناوچووین، ئێزیدخان تەواو بوو".

زانیاریی زیاتر: سەرۆک بارزانی لە وەڵامدا گوتی: "ئەوە تەنیا بەسەر ئێوەدا نەهاتووە بەڵکو بەسەر هەموو گەلی کورددا هاتووە، نائومێد مەبن، بەڵێنتان پێدەدەم تۆڵەی ئەو تاوانە لە دوژمنان  دەکەینەوە".

ئەوەی پێویستە بیزانیت: سەرۆک بارزانی گوتوویەتی" باسی تەواوبوونی ئێزیدخان مەکەن، هەرکات کوردستان تەواو بوو ئینجا ئێزیدخان تەواو دەبێت، کوردستان دەمێنێ و ئێزیدخانیش دەمێنێ و دوژمنان سەرشۆڕی و شکستیان بۆ دەمێنێتەوە".