سەرچاوەیەک لە وەزارەتی دارایی: بەغدا گوژمەیەک پارە بۆ هەرێمی کوردستان دەنێرێت

ئاڤا نیوز

 

سبەی بەغدا گوژمەیەک پارە بۆ دابەشکردنی مووچەی مووچەخۆرانی هەرێمی کوردستان دەنێرێت و دوای ناردنی تەواوی پارەکە دەست بە دابەشکردنی مووچە دەکرێت. 

 

لێدوانی فەرمی: سەرچاوەیەک لە وەزارەتی دارایی و ئابووریی هەرێمی کوردستان بە ئاڤا نیوزی گوت: هێشتا عێراق بە فەرمی تەواوبوونی وردبینی لیستی مووچەی ڕانەگەیاندووە، بەڵام ئێمە لە سبەی یەکشەممەوە چاوەڕێین دەست بە تەمویلی مووچەی مانگی حەوت بکەن.

زانیاریی زیاتر: بەغدا بە چەند قۆناغێک تەمویلی مووچە دەکات، واتە هەر جارێک بڕە پارەیەک دەخاتە سەر هەژماری هەرێمی کوردستان. 

 

لەلایەکی دیکەوە: وەزارەتی دارایی هەرێمی کوردستان داوای لە بەڕێوەبەری ژمێرکاریی دارایی عێراق کردووە، مووچەی ئەو کەسانەی بایۆمەترییان نییە بنێرێت، تاوەکو ئەوکاتەی بایۆمەترییان ڕەوانەی بەغدا دەکرێت، چونکە کێشەی تەکنیکی ئاسایی لەو بابەتە هەبووە.

 

گۆشەیەکی دیکەی دیمەنەکە: لیستی مووچەی خانەنشینان بە هاوتایی بۆ عێراق نێردراوە، چاوەڕوان دەکرێت بەغدا مووچەکانیان بەهاوتایی بنێرێت.