مینحەی مانگی نۆی مامۆستایانی ئاینیی خۆبەخش دابەش دەكرێت

ئاڤا نیوز

ڕۆژی دووشەممە نۆیەمین مینحەی مانگانە بەسەر مامۆستایانی ئایینی خۆبەخش دابەش دەكرێت، داوا لە خۆبەخشانی سەر بە وەزارەتی ئەوقاف دەكرێت سەردانی بەڕێوەبەرایەتیی ئەوقافی شار و شارۆچكەكانیان بكەن بۆ وەرگرتنی.

وێنە گەورەکە: زیاتر لە هەزار و 500 مامۆستای ئایینی كە هیچ مووچەیەكی دیكەیان نییە، لە بەڕێوەبەرایەتیی ئەوقافی شار و شارۆچكەكانی هەرێمی كوردستان وەكو خۆبەخش تۆماركراون و بەمەبەستی وتاردان یاخود پێشنوێژی مزگەوتەكان، لەلایەن وەزارەتی ئەوقافەوە ڕێگەپێدانیان بۆ كراوە، مانگانەش بڕی 250 هەزار دینار وەک هاوکاری وەردەگرن.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و كاروباری ئایینی ڕایگەیاند، "ڕۆژی دووشەممە 17ـی 11ـی 2025، هاوكاریی مانگانەی مامۆستایانی ئایینیی خۆبەخش دابەش دەكرێت، كە نۆیەمین مینحەیە ئەمساڵ دابەش دەكرێت و لەلایەن وەزارەتی ئەوقافەوە دابین دەكرێت.

پەیوەست بەم بابەتە: هاوكات بەڕێوەبەرایەتیی ئەوقافی كۆیە، مامۆستایانی ئایینی خۆبەخش ئاگادار دەكاتەوە كە سبەی سەردانی بەڕێوەبەرایەتییەكە بكەن بۆ وەرگرتنی هاوكارییەكە كە بڕەكەی 250 هەزار دینارە.