کامێرای چاودێریی تیژڕۆیی جێگیر لە سەرجەم شەقامەکانی هەولێر دادەنرێت

ئاڤا نیوز

 

بڕیارە کامێرای چاودێریی تیژڕۆیی لە سەرجەم شەقامەکانی شاری هەولێر دابنرێن و ئێستا لە قۆناغی جێبەجێکردنە.

 

وێنە گەورەکە: بەگوێرەی ئاماری هاتووچۆی هەولێر لە ماوەی یەک ساڵی ڕابردوودا بەهۆی زیادکردنی کامێرا و دانانی سیستمی کامێرای خاڵ بۆ خاڵ لە بەشێکی شەقامەکانی هەولێر، ڕووداوەکانی هاتووچۆ بە ڕادەیەکی زۆر کەمیانکردووە.

 

لێدوانی فەرمی: "پڕۆسەی دانانی کامێرای چاودێریی تیژڕۆیی جێگیر لە شەقامەکانی 40 مەتری، 60 مەتری و 100 مەتریی هەولێر دەستیپێکردووە و بڕیارە لە ئایندەیەکی نزیکدا بکەونە کار" هێمن حەمەدەمین گوتەبێژی هاتووچۆی هەولێر ئەمەی بە ئاڤا نیوز گوت.

 

زانیاریی زیاتر: هێمن حەمەدەمین گوتیشی: ئەوەی ئێستا لە شەقامەکانی 60 مەتری و 40 مەتری دانراون تەنیا کەڤەرن و هێشتا نەکەوتوونەتە کار، ئەم سیستمە جیاوازە لە کامێرای خاڵ بۆ خاڵ.

 

باکگراوند: وەزارەتی ناوخۆی حکومەتی هەرێمی کوردستان ماوەی دوو ساڵە سەرقاڵی جێبەجێکردنی دانانی کامێرای چاودێریی تیژڕۆیی و سیستمی خاڵ بۆ خاڵ لە شارەکانی هەرێمی کوردستان.