ئەنجوومەنی مۆلیدە ئەهلییەکانی هەولێر داوایەک لە هاونیشتمانییان دەکات

ئاڤا نیوز

 

ئەنجوومەنی باڵای مۆلیدە ئەهلییەکان داوا لە هاونیشتمانییان دەکات، ئەگەر مۆلیدەی گەڕەکەکەیان دەنگ و دووکەڵی هەیە، پەیوەندییان پێوە بکەن و ڕێکاری یاسایی دەگرنەبەر.

 

وێنە گەورەکە: چەند ڕۆژێکە بەهۆی دروستبوونی تەمێکی چڕ لە ئاسمانی شاری هەولێر، یەکە کارگێڕییەکان کەوتوونەتەخۆ بۆ کەمکردنەوەی کاریگەرییەکانی ئەو تەمە.

 

لێدوانی فەرمی: خۆران خۆرانی، سەرۆکی ئەنجوومەنی باڵای مۆلیدە ئەهلییەکان لە پارێزگای هەولێر بە ئاڤا نیوزی گوت: ئەمڕۆ بە هاوکاری قایمقامیەت، چەندین مۆلیدە سزا دراون، ئەمەش دوای ئەوەی هاونیشتمانییان سکاڵایان تۆمار کردووە.

 

خاڵی ئەرێنی: ئەنجوومەنی باڵای مۆلیدە ئەهلییەکان کاتژمێری کارپێکردنی نهێنییان لە دەرەوەی مۆلیدەکان داناوە، هەر مۆلیدەیەک کاتژمێری کەمتر بە هاوبەشان بدات، دەردەکەوێت و سزای دەدرێت.

 

باکگراوند: ئومێد خۆشناو، پارێزگاری هەولێر ڕایگەیاند، حەوت بڕیاری بۆ پاککردنەوەی هەوای هەولێر ڕاگەیاند و یەکێک لە بڕیارەکان تایبەت بوو بە مۆلیدەی گەڕەکەکان، هەر مۆلیدەیەک لەماوەی هەفتەیەکدا مۆڵیدەکەی بێدەنگ نەکات، سزا دەدرێت.