پزیشكیان: بەڵێن بێت لە ئێرانەوە تۆڵە لە ئیسرائیل بكەینەوە

ئاڤا نیوز

سەرۆككۆماری ئێران بەڵێن دەدات لەناو خاكی ئێرانەوە ئیسرائیل بكاتە ئامانج، بەوەش تۆڵەی كوشتنی ئیسماعیل هەنییە بكاتەوە.

لێدوانی فەرمی: مەسعوود پزیشكیان سەرۆككۆماری ئێران ڕایگەیاند:"تاوانەکانی ئیسرائیل و كوشتنی هەنییە لە وڵاتەکەمان نموونەیەکی ڕوون و ئاشکرای پێشێلکردنی یاسا جیهانییەكانە".

زانیاریی زیاتر: "ئێران و ڕووسیا هاوبەشی ستراتیژین و پەیوەندییەکانیان بەرەو فراوانبوون دەبەن و هەماهەنگی زیاتریان پێكەوە هەیە". پزیشكیان وای گوت.

وێنە گەورەكە: چوارشەممەی ڕابردوو ئیسماعیل هەنییە سەرۆكی مەكتەبی سیاسی حەماس لە تاران كوژرا، ئێران دوای ڕووداوەكە ئیسرائیلی بە كوشتنی تۆمەتبار كرد و هەڕەشەی تۆڵەسەندنەوە دەكات، ئەمەش دۆخی ڕۆژهەڵاتی نێوەڕاستی ئاڵۆزكردووە.