پنتاگۆن ئێران بە هێرشەکەی سەر بنکەی عەین ئەسەد تۆمەتبار دەکات

ئاڤا نیوز  

وەزیری بەرگریی ئەمریکا ڕایگەیاند، هێرشکردنەسەر بنکەی عەین ئەسەد لە عێراق پێشهاتێکی مەترسیدارە، ئێران و گرووپە چەکدارییە هاوپەیمانەکانیشی بە ئەنجامدانی هێرشەکە تۆمەتبارکرد.

وێنە گەورەکە: شەوی رابردوو بە مووشەک هێرشکرایە سەر بنکەی سەربازی ئەمریکا لە عەین ئەسەد لە رۆژئاوای عێراق، بەهۆیەوە پێنج سەربازی ئەمریکی برینداربوون.

ڕاگەیێنراوی فەرمی: وەزارەتی بەرگریی ئەمریکا "پنتاگۆن" ڕایگەیاند: لۆید ئۆستن وەزیری بەرگریی ئەمریكا بە تەلەفۆن قسەی لەگەڵ یوواڤ گالانت، وەزیری بەرگریی ئیسرائیل کردووە و هەردولا باسیان لەو هێرشە کردووە کە "ئێران بەهاوکاری گرووپە هاوپەیمانەکانی" کردییە سەر بنکەی عەین ئەسەد و سەربازانی ئەمریکای لە عێراق بە ئامانج گرت.

زانیاریی زیاتر: "هێرشەکە پێشهاتێکی مەترسیدارە و دەرخەری ڕۆڵی ئێرانە لە نائارامییەکانی عێراق و ناوچەکەدا، بۆیە ئەمریکا پابەندە بە پاراستنی ئاسایشی ئیسرائیل و رووبەڕووبوونەوەی هەڕەشەکانی ئێران و گرووپە هاوپەیمانەکانی لە ناوچەکەدا".